Seguida de l'estagi!!

En seguida d'aquela debuta de jornada a l'escòla, passèri en cò dels CM. E aquò èra plan diferent. Ja èri assetada a una bona nautor!!!  Sul còp de las onzas oras e mièja del matin (logic) i èri!

Amb la regenta comencèrem lo cors. Metèrem al tablèu çò que semblava una BD. Sens aver parlat los enfants comencèron de levar lo det. Eles avián de causas de dire. La regenta comencèt de balhar la paraula.

 Les enfants s'exprimèron totes, gaire ben totes e en occitan. Dins lo moment de familha de lenga, los enfants e totes los presents pòdon parlar dins la lenga que vòlon, quina lenga que siá!!!

Distribuguèrem a totes lo papièr ont i a la BD. Puèi la regenta demanda a dos enfants, que son bilingües en espanhòl, de legir lo tèxt.

La primièra lectura es un pauc complicada, un pauc brolhon, imprecisa... Rai!!

La regenta explica que cal soslinhar totes los mots que comprenon. Sonque pel biais d'una lectura orala, de la compreneson orala. A la fin de la lectura los enfants èran encara mai nombroses de levar la man!!

E los tres quarts al mens, avián comprés un mot, una idèa, un bruch, un son... Mas i aguèt tanben de contresens.

En seguida la regenta explica que va tornar legir lo tèxt mas aqueste còp en italian. Puèi faguèrem una comparason entre las doas lengas e vegèrem los mots de vocabulari. La compreneson èra mai aisida amb doas lengas. Puèi o faguèt en occitan e aquí los enfants comprenguèron tot. 

En fach èra un tròç  de la BD de Mafalda. Los enfants comprenguèron pas lo sens ironic de l'istòria mas es pas grèu.!!

Lo Diluns seguent, totjorn a 11h30. La regenta, balhèt un tèxt als bilingües espanhòls per lo legir. 

Trabalhèrem sonque a l'oral, los enfants aguèron lo tèxt mai tard dins la sesilha. Aprèp mantuna lectura coma per lo tèxt de Mafalda, los enfants comprenguèron qualquas causas mas subretot un molon de contresens. 

Quora aguèron lo tèxt, comprenguèron de mots de vocabulari!! A la fin la regenta legiguèt lo tèxt en italian. Puèi en francés. 

E en fach èra una nòticia d'una potinga!!!! M'escacalassèri!!!! 

Estagi a l'escòla!!!

Comencèri mon estagi a la Calandreta de Nimes. Aquel estagi, me lo cal far per l'opcion de dubertura es una opcion per la licéncia. E donc lo fau a l'escòla la Calandreta de Nimes. I soi per observar un cors de lenga estrangièra. Anèri donc dins totas las classas. Siague per observar un moment en occitan, siague per un moment particular que se sona Familhas de lengas, ont se parla mantuna lenga. 

Diluns passat anèri a l'escòla tota la jornada, comencèri amb la classa de PS MS. Es la classa dels mai pichòts de l'escòla, es la classa pichòta e mejana seccion.
A mai de parlar occitan, lo matin de 8h45 a 9h es lo moment dels rituals. Se dison bonjorn, contan los quasèrns de vida (pòdan escriure çò que faguèron pendent la dimenjada o autre), fan lors mestièrs (Cada enfant s'ocupa d'una causa dins la classa e se sona "mestièr" e la fin de la setmana son pagats, en moneda de classa, aquela moneda servis per la regularisacion al dintre de la classa
 . 
Alavètz pel moment dels "bonjorns", tota la classa s'acampan al canton. Son totes assetats sus de bancs amb la regenta, l'atsem (l'ajuda mairala) e ieu. 

La regenta per començar aqueste moment, pren lo baston de paraulas e ditz per exemple "Adieu" puèi totes los enfants repetisson lo mot. 

Aprèp lèvan lo det, la regenta balha lo baton de paraula e cadun lor torn, los enfants que vòlon, dison bonjorn.

Lo còp ont i èri, ausiguèri diferents bonjorn, quicòm coma dètz bonjorn.

Hola        Hello          Guten tag              Salam           bon dia

       buenos dias                         aloha           buongiorno            ciao

Ia ora na         dzién dobry                Agur                     Bonjour

De còps la regenta demanda si se sovenon dins quina lenga es aqueste bonjorn?? 

E o cal creire... Los enfants sabon dire bonjorn en diferentas lengas e sabon quina lenga es.!! 

Passèri una jornada fòrça agradiva. Me fa plaser de poder tornar dins l'escòla ont trabalhèri l'an passat. 

L'ambient, los enfants me mancan a la fac. Es pas parièr, n'ai mon confle d'èsser assetada tota la jornada... Mas es coma aquò!!!!!

Lo dimenge quand plòu!

Lo jornada la mai piège de la setmana es lo dimenge quand plòu !! Pasmens ieu aimi ben lo dimenge quand plòu ai mantun rituals !! Generalament fau res, res de res ! Fau pas brica mos devers !!

Alara quand es coma aquò, la màger part del temps fau de crespels !!

L’an passat de còps tornèri en cò de mos parents amb un platàs de crespels. Sèm una familha nombrosa e aimi fòrça far la cosina. 

Prenguèri al mens un litre e mièg de lach. Es demasiat !!! E ara contunhi de far de crespels mas amb un pauc mens de lach !

Dimenge faguèri donc de crespels per dos, e coma de costuma faguèri tròp de preparacion !! Del còp ne’n mangèri pendent cinc jorns aprèp. E mai se faguèri un mièg litre de lach fasiá tròp.

Aquò me ven de ma maire. Quand èrem pichòts e que ploviái, mos parents nos faguèron totjorn de crespels amb un bòl de chocolat !!! Dempuèi que soi pichòta e dempuèi totjorn, aimi lo dimenge quand plòu. 

Me faguèri de crespels al Nu… Lo Nu lo crompi sonque quòra fau de crespels. Mangi tanben amb de crèma de castanha !

Mas d’amics ma faguèron gostar las crespels al sucre e al chuc de limona !!!! 

E es vertadierament bon.

NIMAGINE

Aquela annada fa quaranta ans que Nimagine existís. Nimagine es un salon dels creators. I a quicòm coma dos cent expausaires. E a l’ocasion del quaranten anniversari, lo salon èra dubèrt onze jorns. 

Cada pèças expausadas son de pèças unicas, son de creacions originalas. I a una granda diversitat e una qualitat dels produches. Los expausaires se divison en dos grops, la mòda e l’ostal.

D’un costat i a de jòias, de vestits, d’accessoris… E de l’autre costat i a de descoracions, de mòbles… 

Anèri donc a Nimagine la dimenjada passada. Prenguèri las plaças sus internet son mens caras !!! Se volètz i anar cal comptar al mens doas oras !! E òc cal prendre lo temps de far lo torn de totes los expausaires ( s’avèm enveja !) e i a tanben fòrça mond, quin que sià l’orari !!

I  a mantun expausaires que m’agradan :

-          « Un air de fille », es una jove que demòra a costat de Nimes. Fa de jòias d’argent. Cada còp, o gaireben, li crompa quicòm.

-          I a tanben una dòna de fa de jòias bufadas en veire. Ela demòra a Vezenobres es entre Nimes e Ales.

-          Vegèri una creatritz qu’aimi ben, fa de vestits per las femnas. Ai ja una ròba d’èla. E aguèri un còp de còr per una polida rauba negra que tomba ben !!! Mas bon de raubas n’ai un molon dins mon armari que dormisson ! Aquela creatritz es una jove, son entrepresa se sona Tiket.

A la fin de la visita, joguèri a un jòc per ganhar de prèmis. Mas perdèri tot… Èri un pauc decebuda. Los creators son sovent los meteisses d’una annada a l’autra !

 Del còp comprenguèri res ! Siague i aviá res de novèls o pas la color que voliái, siague èra tròp car !

Lo dimenge a Cidamos...

L’AMAP les jardins de Cidamos.

Lo dimenge 21 d’octòbre anèri a una jornada d'escambis e de rescontres de l’AMAP. Los òrts de Cidamos se situisson sus la comuna de Fontvièlha a l’est d’Arles. Se compausan de tres ectaras de culturas. Es una entrepresa familiala. Lo paire, Benoit e sa femna Martine. A mai dempuèi 2006 (aprèp mantuna escòla dins lo domèni), lor filha Mathilde que renfortίs la còla. E contunha dins la dralha de son paire, amb de còps de conflictes ideologics. Aquela còla emplega tanben doas personas a mai per ajudar.

Donc aqueste dimenge anèri visitar las tèrras. D’en primièr per ben començar la jornada nos perdèrem. La rota, la departamentala 82, es longassa e tot a l’entorn i a sonque de tèrras, d’espleitacions… Fin finala trapèrem lo panèu de Cidamos. En fach èra pas dins lo bon sens per los que veniάn d’Arles ! 

Puèi trapèrem aisidament las tèrras. Comencèron de nos mostrar las sarras amb totes los legums, n’i a un molonàs !! Puèi vegèrem una sarra qu’èra de l’estiu. De majoflas !! E coma n’i a pas pron per totes los panièrs, porisson pel sòl. Alara avèm totes faguèrem l’enfant !!! Nos galavardegèrem de majoflas !! Èran tròp bonas.

Anèrem visitar, un pauc mai luènh, una parcèla ont metèron d’arbres fruchièrs : 

- Codonh

- Pomièr

- Avelanièr

- Ametlièr

- Perièr

- Perseguièr

- Vinha

E per lo moment tot aquò es en pichòta quantitat. Lo vendon a despart del panièr.

Vegèrem tanben las aisinas de trabalh amb los tractors e una maquina que m'agradèt fὸrça. Es en fach un metὸde per plantar los legums alinhats, un darrièr l'autre. 

Pὸdi pas mandar un mail al productor (per demandar lo nom), ai pas pus internet en cὸ mieu (dempuèi qualques jorns...)... Me'n vau en cὸ dels vesins per poder veire mos mails e mandar mos devers!!!

Rai!!! E aprèp las dieferentas visitas anèrem totes manjar. Èra una mena de fora dinar. E per los que voliάn, dins la tantossada i aviά un escambi e debat sus lo mestièr d'agricultor, l'AMAP, los legums e l'ecologia...

Una bona jornada!!