"Devenir enseignant" es lo títol de la conferéncia qu'anèri véser dissabte sus Montpelhièr.
Durèt una ora, èra pas longa. Aprenguèri qualquas causas sus lo biais d'èsser regenta.
Ja, una orror... Me cal aver una attestacion de natacion e mai de cinquante mètres... Rai, fau de natacion mas per lo plaser, es pas quicòm de competitiu... Bon, es que la natacion va m'enpachar de faire lo mestièr que vòli??!! Benlèu!!
Se contunhi dins aquesta dralha pensi anar a l'IUFM de Nimes, se trapa a costat d'en cò mieu e es una pichòta fac, un establiment mai pichòt e mai, benlèu, convivial que la de Montpelhièr. Veirèm ben! E aquò m'enpachariá de prener lo trin e donc pas besonh de pagar de l'abonament e a mai podrai préner ma veitura!! Mas bon, es pas encara...
En fach aquesta setmana èra lo salon de l'ensenhament superior. Era fòrça interesent. Tot aquò se debanèt al Corum. I aviá un mond tarible!!
L'annada 2013, es l'annada dels cambiaments. En fach, van tot reformar al dintre de la formacion per passar lo CRPE. Donc posquèron pas respondre a totas las questions. A mai coma de costuma per totes los estudiants que presentan lo concors sonque la mitat seran près puèi que i a pas pron de postes per totes dins l'acadèmia de Montpelhièr. O alara nos caldriá montar dins las regions de Creteil o de Versailles. I a mens de demandas e donc pron de postes liures...
En seguida, pensavi que lo concors se presentiá la segonda annada e pensavi donc que la primièra èra sonqu'una preparacion. Mas non, lo concors se debana la primièra annada e se las doas espròbas son capitadas passam en segonda annada e avèm un 1/3 temps d'estagi d'ensenhament dins una escòla. E podèm aver la primièra annada validada e pas lo concors e donc lo passar la segonda annada.
Per lo moment ai per objectiu de passar e capitar la licéncia, puis anar en master a l'IUFM. E aprèp al fial dels ans faire lo torn del mond amb mon diplòme d'ensenhanta. Puèi que per aquò es pas possible de passar lo concors e de demorar dins lo mitan occitan m'en vau cambiar de trajecte e enssajar de realisar aquela ideia...
