La Borde

L'an passat faguèri un estagi/ un rescontre a La Borde. La Borde es un centre psiquiatric fondat en 1953/54 per lo psicològ Jean Oury. En fach èra lo director d'una autra clinica e coma l'administracion volguèt pas far d' obràs, partiguèt amb qualques pacients. Aprèp qualquas jornadas e nuèits un pauc d'en pertot. Puèi a la debuta del mes d'abrial, tombèron sus un castèl en roïna, La Borda. La debuta foguèt malaisida, mancavan de personals e de materials. Per pas que siague una clinica de "luxe", Jean Oury demandèt l'agregacion a la securitat sociala. E del còp fondèt la primièra clinica psiquiatrica sus lo sistèma de la psicoterapia institucionala.
Passèri donc qualques jorns dins un endreit que sembla pas brica un espital o una preson.
Lo personal pòrta pas brica de blòda blanca, lo luòc es dubèrt sus lo bòsc. Un endreit un pauc estranh. I a pas cap de diferéncia entre los pacients e lo personal. Cal anar parlar a totes per saupre cal son?! E o faguèri!! E mantun venguèron me pausar de questions.
Pasmens lo primièr jorn posquèri pas manjar, pas aisit. Una dòna venguèt nos veire e nos diguèt qu'aviá mal al cap, li conselherèm de beure un pauc d'aiga!
Dins aquel endreit, que i a tant de causas de dire, lo matin, las gents que vòlan, venon se marcar per d'activitats. Donc n'i a que van metre la taula, d'autres van far la cosina, d'autres van dessenhar... Es coma a l'escòla, i a de talhièrs e cal s'inscriure. E de còps, n'i a que s'enganhan o que venon pas... Es coma aquò!
I a gaireben vint ans, una infirmièra, deciguèt de montar una pèça de teatre. Un espectacle amb de gents malauts. Aquela pèça foguèt jogada un còp, lo 15 d'agost de 1994 (me sembla, soi pas segura de la data), per las familhas dels pacients. E aquela pèça foguèt filmada e lo realisator Nicolas Philibert ne faguèt un film. Dins aquel film i a de moments de vida, de moments de paraulas, de moments de l'espectacle... Un DVD sortiguèt. Lo film se sona "La moindre des choses" e dura a pauc près doas oras.

Puèi, i a qualquas setmanas foguèri convidada a la Calandreta Aimat Serra, per lo rescontre amb aquesta infirmièra que montèt la pèça. Era un moment meravilhós!!! Aquel rescontre serà benlèu un autre article, me cal contar tot aquò. 

Es en rescontrant de gents coma aquò, qu'avèm la volontat de far de causas meravilhosas dins la nòstra vida.!!

La nèu!!!!

Aimi ben la nèu, tot es blanc, tot es gelat. Vrai que fa fresc mas lo blanc cambia totalament un paisatge. Anèri amb d'amics al Mont Ventoux. Partiguèrem d'ora. Quora arribèrem nos vestiguèrem caudament, fasiá 0 gra!! I aviá a pauc près cinquanta cm de nèu brenosa. De la nèu al dessús del genolh! Loguèrem de lièjas en plastic e faguèrem tota la jornada los fòls!! Montèrem lo mai naut possible en fasent mèfi als esquiaires puèi davalèrem la pista. Erem un, dos o tres sus las lièjas! Puèi los dròles qu'èran amb ieu decidiguèron de construsir un trempolino. Construsiguèron una bòça de nèu e del còp quòra davalèrem la pista, faguèrem un bon dins l'aire. Amb la lièja sautèrem d'un metre abans de tornar sus la nèu. Tombèrem siague l'un sus l'autre, siague totjorn sus la lièja, siague al revèrs.... E subretot mangèrem un molonas de nèu! Del còp aguèri pas de besonh de me desmaquilhar lo ser!!!

Mangèrem totes a l'entorn de las veituras, e aquò tant melhor puèi que lo sol restaurant èra comol, lo mond faguèt la coa pendent doas oras!!!!! Es pas de creire!!!

Aprèp un repais lèu-lèu, tornèrem sus las pistas. Causiguèrem un autre endreit (aprèp aver caminar un long moment...). Mas aprèp una ora de davaldas, la securitat venguèt nos veire per nos dire de partir, qu'èrem sus una pista d'esqui... (Rai, mas pas grèu!). Causiguèrem aquesta pista espacialament perque èra mai agradiu. En fach los esquiaires avián atapits la nèu e del còp davalèrem mai lèu!!!

Alavètz tornèrem sus la primièra pista. Contunhèrem de davalar tota la tantossada. 

Quòra dintrèrem dins las veituras, metèrem lo calfatge al maximum. Aguèrem tròp fresc. E ieu posquèri pas pus m'assetar, aviái un ematòma. Tornèrem far de lièja la setmana d'aprèp!!