La cosina!!!

La dimenjada passada (o pas, me sovèni pas!) faguèri de cosina. Aimi fòrça cosinar. De plats tant salats o coma sucrats. Fau de tot amb de tot. Donc comencèri per far de veirinas d'api. Pichòta explica, dins mon panièr de legums, dempuèi qualquas setmanas i a d'api, e trapi totjorn una solucion per pas lo prener (fau d'escambi!!!!!!!). Aimi pas gaire l'api... Mas aquesta setmana es un amic que me prenguèt mon panièr e del còp i aviá d'apis. Me o calguèt cosinar!!! Trapèri un recèpte sus internet, pas complicat.
Me caliá   un bolhon de legums, d'epicis, de parmesan, de curi e de crèma. Amb tot aquò faguèri un velosat d'api... Mmmmm qu'èra bon, mangèrem tot e sulpic!!!!!!
Puèi, anèrem al mercet cobèrt de Nimes per crompar de peisses. Crompèrem de saumons e de cambaròtas. Mangèrem una partida de las cambaròtas e lo demai decidiguèri de far de fulhetats al saumon e amb de tròces de cambaròtas cuèch dins un chuc de limona. Puèi tot al forn. 
I a qualques jorns faguèri un conflat amb de lardons e de fromatges. Mas me cal crompar un plat especial per los conflats que per lo moment ai solament un plat un silicòna. RAI!! Es pas talament capitat... Tomba e retomba a cada còp... Mas pòdi pas dire qu'es pas bon. Quora lo conflat es pas tròp cuèch e mai se tomba e ben es bon, fon dins la boca!!!!!!

Aquesta dimenjada anèri al restaurant a Uzes (que lo ser èrem convidats dins un vilatge a costat!). Coma èra un dissabte de mièg-jorn, que i aviá lo mercat e la fièra... Faguèrem lo torn d'Uzes al mens dètz còps... Pas una plaça dins un restaurant que nos agradava!! Virèrem pendent una ora e mièja.... Aviam talent!!! Puèi trapèrem un pichòt endrech. 
En fach es un salon de té e restaurant. En dintrada prenguèri una ensalada amb d'aubergina e al mitan un fromatge de cabra en rajant!! Puèi en plat prenguèri de saumon amb una "fonduda de pòrre" e en acompahnament i aviá de ris  e un flan de legums! Tot èra bon amb de vertadièr legums del mercat, aquò segur! E per lo dessèrt prenguèri de majofas amb de chantilia!!!!!!!!! 
E per acabar partiguèrem a Haribo non pas al musèu mas a la botica. Nos costèt mai car a Haribo qual restaurant!!!!!!!!!!! Per un còp.... Mangi de bonbons a me far petar lo ventre!!!!! Per lo moment ne mangi pas tròp, fau mèfi (que i a qualques jorns èri malauta!!!!!). 

Talhièr terrallha!!!!!

Lo dimars de ser animi un talhièr de terralha. Aquò's una longa istòria. Mas per qualques meses tornèri prener lo talhièr de ma maire. Ela torna al mitan del mes d'abrial! 
Bon donc lo dimars de ser fau lo talhièr per un pichòt dròlle. Voliá pas anar dins un autre talhièr, del còp es coma un cors particular.
Quand comencèri lo talhièr aviái pas jamai tocat la tèrra. Aviái pas brica enveja de mettre mas mans dins la tèrra, dins tot aquò. Puèi lo fach de tornar prener lo talhièr, cambièri de vejaire. E de tot biais, quora lo pichòt arribèt, me calguèt me desembolhar e far quicòm!!!!!!!!!!!!!!!!!!!!!!!
Aviái qualquas basas, lo fach d'agachar ma maire e d'aprener sus lo tas!!!!!! Puèi lo dròlle fa qualquas annadas que fa de terralha donc per el las coneissenças (de basas) son aquesidas!!!!!
Faguèri ja de talhièrs de terralha a l'escòla ont trabalhèri....
Alavètz tornèri prener son talhièr a la debuta de genièr fins a ara!!!! 
Comencèrem per de causas simpletas, d'escudèlas, de bòls. E lo dròlle decidiguèt de ne far tota una coleccion!! 
Puèi se faguèt operar de l'apendix, lo veguèri pas pendent qualquas setmanas e quand tornèt, contunhèrem de far de causas, de produccions basicas sens tornar... Un jorn decidiguèt de far un elefant!!! Quina istòria, mas quina bèstia!!! Qu'es polida!!!! Li calguèt al mens doas oras per i arribar. L'ajudèri un pauc per far tenir sas patas!! Era concentrat, seriós!! Ieu, aviá un sola paur... Que l'objècte s'espèta dins lo forn.... N'aviá una paur blava!! E el faguèt d'autras creacions! Mas çò qu'aima particularament es de far d'escudèlas!! Perqué pas!?
Quora las darrièras produccions èran sècas, descorèrem cadun sas pèças! Cadun sas colors, son decòr, sas envejas... E posquèri far lo primièr forn!!! 
Dimars darrièr èri fòrça inspirada. Comencèri de far una montanha de bolas, coma un jòc per enfants en fusta. E fin finala amb las bolas comencèri de modelar e de ne far una femna, una africana, amb de polidas formas. Metèri al mens una ora a modelar. Puèi quora faguèri la cara comencèri la boca puèi per los uèlhs èra pas la meteissa causa. Tornèri començar mai o mens 5 còps!

A la debuta lo dròlle sabiá pas de que far alara comencèt de descorar sas escudèlas. Prenguèt una primièra escudèla e faguèt una barbacoa e de salsissas. Me diguèt qu'èra una escudèla de brasucadas. 

Aniversari Dinette!!!!

La setmana passada èra l'aniversari de Dinette. Lo festegèrem en cò ela, lo dissabte de ser. Era un polit aperitiu. Sèm partits ben aprèp mièja-nuèch. Mangèrem, beguèrem e passèrem tota la serada coma aquò.
Puèi coma lo dimars d'aprèp èra lo vertadièr jorn de son aniversari, decidiguèrem de li far una suspresa. Era previst de se tornar trapar en cò ela a Montpelhièr per passar una bona serada!!! Mas de nòstre costat, la convidèrem a venir en vila. Del còp nos retrobèrem a la Comedia e la convidèrem al restaurant. La suspresa èra fins a la fin.!! Sa tèsta èra meravilhosa!!!!!!!!!
Anèrem dins un de sos restaurant preferit... L'entrecôte a Montpelhièr... En fach es un restaurant amb un plat unenc. Un tròç de carn plan generós amb de salsa. 
D'en primièr aguèrem una ensalada verda. Puèi amb la carn i aviá de fritas, de fritas d'ostal a volontat!!!!!!! Eran bonas!!!!! Mangèrem fòrça. Talament qu'aguèrem mal de ventre.... :s 
Me o cal dire, es pas un restaurant qu'aimi... Ja quand vau al restaurant, i vau per causir un plat. Puèi aimi pas pron la carn per ne manjar tota una escudèla. E prenguèrem pas de dessèrt... Macarèl!! Un repais sens dessèrt!!!!!!!!!!!! 
Auriái aimat un restaurant atipic.... Indian, Grec o manjar de peis.... ( crus o cuèch)!!!!!!!!!!!

Aprèp lo restaurant una pichòta fòta dins la carrièra, un moment a esperar lo tram, e direccion son apartament!!!!!

Per son aniversari, li ofriguèri una boita secrèta... En fach compèri una polida boita en fèrre plan descorada. E dedins i botèri tot un tas de causas!!!!! Gaireben 22 causas!!!!!!!!!! E sabi que l'an que ven quand tornarai en cò ela, la boita serà totjorn plena!!!!!!!!!!!!! :D

 

Salon SESAME

I a qualquas setmanas anèri al salon bio a Nimes. Se sona lo salon SASAME. I anèri amb una amiga. I anèrem a la dubertura. Ieu cercavi un produch per mandar a mos parents en Polinesia. Aquel produch es una bola en ceramica. Es una bola per nestejar las fardas dins la maquina. Es un biais mai ecològic. A mai en Polinesia an pas brica de nocions d'ecològia. Dins d'ostals las maquinas son defòran, dins l'òrt e se vuèjan dins la tèrra. E lo lessiu costa car. Mas aquela bola ne'n trobèri pas.
Puèi mon amiga  cercava una crèma per la cara, una crèma de jorn. Faguèrem al mens 10 còps lo torn dels expausants. N'i aviá a bodre, d'en pertot. Testèrem mantuna crèma. I aviá de tot: al lach de sauma, d'èga, a la pèira d'alun, totas naturalas e Bio.
Agachèrem lo prètz, puèi l'odor, la quantitat e la qualitat.

Puèi fguèrem un darrièr torn del salon per ne'n cormpar una. E amb mos uèlhs de falcon, agachèri la compausicion de cada ola. Era pas de creire!!!!! Seriosament, dins un salon bio, totas las crèmas èran amb de paraben, d'alcoòl e d'autras merdas...
En fach per qu'un produch siague estampat amb lo logo Bio, cal aver 6% d'ingredients bio. Pas mai. I pòt aver un molonàs de causas dedins...
Fin finala trapèrem una crèma a la flor de ròsa, sens res dedins. E a mai son de productors del costat d'Uzes.
Ieu me compèri d'infusion, un molon: al nimfèa, al gingebre, al limon, als epicis.... E de causas per manjar, me ragalèri!!!!  
Puèi aprèp lo salon, anèrem manjar en cò de mon amiga. Aprèp un salon bio mangèrem de lasanha!! Ne prenguèrem doas parts!!! Era tròp bon. Ieu portèri un pastisson al chocolat. Lo paure.. En fach cambièri de forn e lo pastisson levèt pas... Era un blòc de chocolat!! Mas èra tanben fòrça bon, e i aviá de chantilli facha a l'ostal.
Donc aprèp un bon repais, nos metèt davant la TV e agachèrem un film d'animacion!! Me sovèni pas brica del títol, me caldrà li demandar... E per acabar la jornada, dintrèri en cò mieu cap a sièis oras del vèspre, a pro pena de la pluèja!
Lo ser manjèri pas e ma faguèri sul pic una infusion que comprèri lo matin! (Coma las vièlhas!!!!!!).

Vaquí mon tank!! (Es pas lo mieu sus la fòta)

E per vertadièrament acabar la jornada m'aperceguèri que mon amiga doblidèra sas afars dins ma saca... Era totes sos papièrs, alavètz, prenguèri la veitura e montèri li portar tot aquò. Urosament que demòra pas luènh d'encò mieu!!!! Mas, coma reconeissèt pas ma veitura (la sona lo tank!!), me calguèt me pargar a costat d'un virador. E amb la pluèja las gents son desvariats... Metèri mai de temps per sortir de ma plaça que per montar li balhar sas afars... Auriái degut i anar a pè.