Estiu a St quentin la poterie!!

Uèi vos vau parlar d’una artista. Se sona Pascale. Es ceramista. L’an darrièr decidiguèt de s’installar dins una botiga a St Quentin la poterie. Es lo vilatge central de las ceramicas. Pascale s’instalèt amb una amiga que se sona Catherine (Catarina). Tot aquò se passèt a la prima. E la botiga se trapa dins la Grand rue. 

Tot l’estiu dubriguèron aquesta botiga.Cada jorn èran presenta, o una o l’autre, dins la botiga. Lor botiga se sona « Les volets rouges ».

Una causa desagradiva dins lo fach de téner una botiga, son los toristas. Vertadièrament, son totjorns a espinchar tot çò que veson… Fan de comentaris, de remarcas, de compliments o de criticas… E tot aquò es lo quotidian d’un mercand…

Pascale fa principalament de porcelana. Es de tèrra blanca, plan leugièra, plan fina. Donc trabalha la porcelana e trabalha un decòr abstrach, de simbòls, d’escriches… Tot aquò fach amb qualques colors, de blau, de roge, de vèrd. Pas gaire mai.

 

 

 Fa tanben d’esculturas. De causas que semblan de plantas de la mar, de coralhs. Faguèt a mai, a un moment de sa produccion, de tèrra enfumada. Aquò es un autre procèssus  de cosesons, de colors, de tecnicas e donc de finicions !!

Per Catarina, son amiga, es diferent. Ela fa de « tèrra vernissada ». La tèrra vernissada es caracterizada per una tèrra roge. Puèi es gaireben totjorn amagada (recobrida) d’un « engobe » blanc o colorat d’oxide metallic. Unida o descorada, la tèrra es aprèp esmaltada e cuèita a 1000°C.

Sa produccion es fòrça ben tornada. Mas ieu aimi pas tròp aquel metòd, aquela mena de produccion. La tèrra vernissada es pas mon « daquòs » !! 

Trapi aquò vielhasson, lo costat provençal tipic me fa cagar !!!! De segur las gents venon per trapar, crompar de causas tipicas de Provença, mas bon avèm quicòm mai que la cigala, la tèrra vernissada, lo jaune, lo vèrd…

Las doas artistas fan pas brica la meteissa causa. A mai Pascale trabalha amb un esmalt mat e Catarina trabalha amb un esmaltbrilhant, lusent. 

Catarina es al meteis temps professora al CFA de St Quentin. 

Es per aquò que la botiga es pas dubèrta cada jorn. Es dubèrta pendent la sason de l’estiu e pendent mai o mens un mes per lo periòde de Nadal.

SORTIDAS

Seradas!!!

Dijὸus de ser, aprèp lo cors de Melania, auriάi degut trabalhar a la bibὸc, mas un professor fasiά de teatre.. Alara partiguèri sul pic !!!

Anèri en cὸ d’una amiga. Aquesta amiga la soni Dinette, fa dètze nὸu ans que nos coneissèm. Anèrem a l’escὸla ensemble puèi lo colègi e aprèp sèm demoradas en contacte !! 

E dempuèi la debuta de l’annada, nos vesèm cada jorn a la facultat Paul Valéry. Ela, es en licéncia de cinèma, prenguèt l’occitan coma lenga. Aital li prepausèri de venir amb ieu al  balèti !! Me respondèt de ὸc !!!

Alara lo dijὸus de ser, anèri en cὸ sieu. Demὸra a costat  de la facultat de sciéncias. Es en coloc’ amb doas autras amigas que sont tanben en licencia de cinèma.

Nos preparèrem puèi partiguèrem manjar per carrièra lèu fach. Passegèrem al nivèl de l’Esplanada. Puèi sul cὸp de las uèit oras, comencèri de me demandar se lo balèti aviά luὸc. Mandèri donc, un messatge a Jennifer e me diguèt de ὸc mas pas abans nὸu oras… Me fasiά cagar, perque aviάi pas previst de dormir sus Montpelhièr… E Dinette e me diguèt que ela deviά partir a nὸu oras perque aviά una cremalhièra… Alavètz partiguèri. Prenguèri l’abans-darrièr trin e dintrèri en cὸ mieu.

Voliάi pas demorar tota sola per carrièra.. Donc la serada balèti, serà per un autre cὸp..

 La fὸto data de 2009

E divendres de ser, èrem convidats a l’anniversari de Benezet !!!

I aviά de mond de L2, L3 e màsters. Benezet o preparèt tot. Li portèrem un present (ça que la). Nos meteguèrem toteis amassas. Barbara e Clara aguèron una polida idèia de present. Era un grὸs ramelet de chocolat. En fach es una botiga ont podèm causir totas las varietats de chocolat que volèm puèi la dona fa una mena de ramelet. Podèm causir de chocolat negre, al lach o blanc. Amb un molon de causas en mai coma de piment, de noses, de caramèl, de fruchas….

L’idèia es venguda perque lo Benezet es totjorn a manjar de causas sucradas, de pastissons, de bonbons, de chocolats, de fruchas… Pensèrem donc qu’èra un polit present per un manjaire coma el.

Aquela idèia m’agradèt fὸrça, quina bona idèia las filhas !!!!

Melania, n’ai mon confle.. Acabarai pus tard !!!

Lo poton !

MELANIA, trapi pas pus mon article corregit... Cercarai t'en fagas pas!!!
Lo corregirai  per la setmana que ven!!! 

SNCF.. T'aimi...

E òc encara un article sus la SNCF!!

Uèi, (lo 28/09), Donc un jorn,  anèri en Arles pel festival d'exposicions fòtos. Partiguèri tota la jornada. Las fòtas èran polidas, o pas. I aviά de tot. Trapèri fòrça tristum, de vision negra, d'idèia de mòrt.. Mas tot aquὸ  serà per un autre article, un article del blὸg, un jorn. ( Agacha Melania, ai un molon d'idèias!!).

Bon la jornada ben acabada, anavi prendre lo trin a la gara d'Arles perque anèri a un autre vernissatge  en Avinhon. Aviάi tot preparat, los oraris, los trins, los prètz, los luòcs...

E en arribant a la gara d'Arles, lo trin aviά un retard possible de trenta min... E totjorn la meteissa question. De que fasèm? Prenèm los bilhets de trin? Anam préner un taxi? Un bus? Bon, sonque trenta min, esperèri!!! Anèri cercar mon billet, paguèri e m'anèri assetar sus un banc. Los contrarotlaires m'arrestèron, agachèron mon billet e me daissèron anar m'assetar sus los quais.

Lo cuol, sus la cadièra... "Le train à destination de Narbonne aura un retard de 50min environ." Non, es pas de creire... Tot lo mond comença de bramar... Aquel trin!! Totjorn la meteissa causa...

Començèri de compréner. Sèm divendres de ser... L'an passat, ja, preniάi lo trin cada divendres a 16 oras. Mon trin que fasiά Montpelhièr-Nimes èra tardièr. En fach, es la dimenjada, lo mond dintra en cò sieu. Siague tròp de mond dins lo trin alara podèm pas partir, siague un problèma de la SNCF. Comprenguèri donc que lo divendres de ser, cal jamai prener lo trin entre 16 oras e 19 oras!!!! Es totjorn lo pati.

Al moment, ont escriviάi lo tèxt, èri dins la gara a esperar. Fa ja trenta min qu'espèri, dins una pichòta sala, amb la climatizacion tròp fòrta.
De segur que lo trin es un mejan fòrça agradiu quora foncciona!! Pasmens li podèm pas far fisança. Aqueste jorn, arribèri fòrça tardièra al vernissatge.

Quòra esperèri lo trin, dins aquela sala, faguèri lo rescontre de "Dòna pipi". M'escacalassèri!!! Tot aquò vos o contarai a un autre moment.

Poton!!

Inscripcion...

 La FaCuLtAt De MoNtPeLhiEr

L'an passat e coma qualques annadas ara, fau d'estudis a distància. Es a dire que trabalhi mos corses a l'ostal. E dos jorns per setmana a pauc près vau a la facultat per poder seguir qualques corses. A mai faguèri de polits rescontres. Tot aquò per dire qu'ai un dorsièr d'estudianta EaD.

Mas aquesta annada decidiguèri de venir trabalhar a la fac, de seguir totes los corses en presencial. Alara pr'aquò m'anèri inscriure. Pasmens, la dòna de l'acuèlh me diguèt d'anar cercar un novèl dorsièr a l'administracion. Arribèri dabans la pòrta, esperèri un pauc, puèi dintrèri. Expliquèri ben ma situacion. Qu'aviai un dorsièr de l'EaD de l'an passat, e donc s' èra possible de far un transfert... E de qué me cal far per cambiar mon estatut de EaD en presenciala.?? Totes aquels cambiaments los podiai pas far sus internet... Ai pas la causida de l'inscripcion en presencial sus internet. RAI!!

Dins lo burèu la dòna me pausava encara de questions, puèi me diguèt: " O sabi pas tot aquò vau demandar... " Arghhh!! E ieu espèri... Es donc partida demandar a costat cossί caliά far. Tornèt e me demandèt ma carta d'estudiant, per poder anar demandar a qualqu'un mai. Es pas de creire...

Al cap de cinc bonas minutas, tornèt e me diguèt: "Vos cal préner un dorsièr papièr e far coma una novela inscripcion. Vaqui, prenèm un rdv???"Li respondèri: " Un rdv??? Per m'inscriure?? Tornar far un dorsièr?? (Ont soi??) En fach me cal tornar portar totes los papièrs, alara que lo servici de l'EaD los a totes..."

Aviάi l'impression que compreniά un mot sus dos! Aprèp un silenci, la dòna me diguèt: " per vostre dorsièr, o sabi pas, es una bona question, vos cal anar veire lo servici EaD e demandar. " BON, tot aquò va ben, n'ai mon confle!! Tornèri donc far de fotocòpias!!

Del còp soi totjorn pas inscrita a la fac ( lo 17/09). Aguèri un rdv un matin d'ora, perque lo dimars fan pas las inscripcions..

En aquel jorn, soi inscrita a la fac, ara me cal compréner cossί me cal m' inscriure als examens..